MII GUN MIINU MO 14:11-16

¹¹Dhali ka waambuhany ’kwani p̱arki mii yan e mo jin miikin ma Buulus mo tani uni ’de’kki ’twam buni mo mmo/o gwo ki ’twaŋ ’Kwani gi Pa Lika/uniyya ki: Arum iiyini bwam ana ki jamas gi ’kwaniny’cesh mo.

¹²Dhali uni yuḵkina Barnaaba gway ka Sap̱s mo dhala Buulus yuḵa uni ka Hermas mo haali/ a’di ta tap̱a jin ṯori gwo mo.

¹³Dhala gasiis ma Sap̱s jin ta gi gu’b jin luŋu to jin di’di ’twaman bampa/ mo tani a’di ’doyi’da morbip̱ mo dhali jisarro/ mo e ’twaŋkala goŋ mo dhali a’di midi ’taki miiya basa ’cesh nyaḵka waambuhany ’kwani mo.

¹⁴Hili ki imandhunu ki she/ mo kun ta iBarnaaba dhala Buulus mo, ciḵki gwo gom a’di mo tani uni dherki burrinyem buni bwa mo dhali p̱eni bwaman ma waambuhany ’kwani mo dhali cuu ki dhan ’twa/ kun caaca mo

¹⁵dhali o gwo mo ki: Kana ’kwani, ata miina um to gwahan kan mo. Am si’da/ tana ’kwanim ’ba’ban du me’d um dhali am guyina um gwom ’borga/ ki um mini ’taki ṯu’k mo ’peni tomp̱inycon gwahan kun luŋa um mo eya Arumgimis jin di ki e mo, jin uḵki momis mo dhali mony’cesh mo dhali yi’de/ mo dhala ris to ’baar mo kun ’koni bwaman uni mo be,

¹⁶a’di jin dhalki’da ris ’kwanim bampany ’cesh bwayi ’baar mo mmo/ii ki bwam buni mo e mo ma nyaḵum yil kun pekin mo be.