Men Tejalonik I 3

1

2

3

4

5

¹I ME je jolar kak nenen la, pwe je maukida kelepala nan Aten,

²Ap kadar won komail Timoteuj ri atail o papan Kot ni ronamau en Krijtuj, pwen katene komail o kamait komail la iran omail pojon.

³Pwe jota amen en luet kila kamekam wet, pwe pein komail aja, mepukat kileledier on kitail.

⁴Pwe ni at mimi re omail, je kokopki don komail kamekam; duen a pwaidar o duen me komail aja.

⁵I me i jolar kak nenenla, a i ilakila, pwe i en aja, duen omail pojon, ma men kajonejon jo kajonejon komail, o ma at dodok jota pan dodok mal.

⁶A metet ni en Timoteuj pwara don kin jan re omail, o padaki on kit ron mau duen omail pojon o limpok, o duen omail tamataman kit anjau karoj, o duen komail men kilan kit, i dueta kit kin inon ion kilan komail.

⁷Ri ai kan, kit ap kamait kilar komail ni at kamekam o apwal akan ki omail pojon.

⁸Pwe anjau wet kit maureda, ma komail poden tenedi on Kaun o.

⁹Pwe ia danke me jen dankeki Kot pweki komail, me pan raj on peren, me je peren kida mon Kot ki komail?

¹⁰Je kin poden kapakapa kin komail ni pon ni ran o nidinidiki, jen kilan maj omail o kaunjokala omail pojon.

¹¹Ari, pein Kot, o Jam atail, o atail Kaun Iejuj en kotin kalua kit won komail.

¹²A Kaun o en kotin kanedere komail la o kalaudela omail limpok nan pun omail o on amen amen dueta kit on komail.

¹³O kotin kateneten monion omail pwen mau melel, ni jaraui mon Kot o Jam atail on ni ran en atail Kaun Iejuj, me pan kotido o japwilim a jaraui kan karoj ian i.