1Maing KAUN, komw ketin karonge ei kapakap! Komw ketin karonge ei pekipek ngidingid ni sapwellimomwi pwuhng; komw ketin sapeng ie ni loalopwoat!
2Komw dehr ketin kadeik ie, sapwellimomwi ladu menet; sohte emen me sohte dipe mwohn silangmwi.
3Ei imwintihtio koliedier oh poweiedier douluhl. E ahpw keseiehlong nan imweteng rotorot ehu, wasa I rasehngalahr me melahr akan kawao.
4Ngeniet mwoatohtalahr; oh I milahr nan pwunod laud.
MELKAHKA KAN 143
MELKAHKA KAN 143:1-4