Mbouŋ To Yes Israela 85:5-8

⁵Mindai, pale aatyavyav tsio izazaa tsiei irau saawe? Pale ighengheen tauvene taghon taghon gha ila?

⁶Yei tamtamon tsio. Tauvene matam imuul ilam payei, ve upaburigin ghei muul. Leso lolomai poia payo, ve nipait ghom.

⁷O Yoova, lolom isaghav tamtamon tsio ariaaŋ ve uluul zi. Utotoi ŋgar tana payei muul, ve ugham mulin ghei. Leso nileep poi.

⁸Yau aat naghur taliŋag poi pa saveeŋ tau Maaron ighe ivotia pa tamtamon tooni. Pasaa, yau nawatagh: Yoova pale isavia saveeŋ luuma pait. Tamtamon tooni tau lolozi isaghavu ariaaŋ ve titaghon eez tooni na, i pale iuul zi, leso tileep poia muul. Eemon yes aat tiyamaan zi. Ŋgar to borauŋa tau muuŋ tighamghamu na, tighamu muul sov.