Mbouŋ To Yes Israela 57:5-9

⁵Maaron, ugham ilaal eta ivot ila sambam saamba. Leso tamtamon tighita ve tighilaal ghom tighe yo ezam tiina kat. Ve utotoi tapirim ve poia tsio le irau taan isov paam!

⁶Pataŋani tane itatan ghau kat. Pasaa, koiagŋa tiraar puugh payau tighe tisaghav ghau. Ve titai puura ila eez tsiau, leso natap nazila. Eemon mako. Tauzi titap tizila.

⁷Maaron, lolog ruru payo mako. Lolog isaghav ghom ariaaŋ. Tauvene yau aat nambou ve narav gita to napakur ghom.

⁸Lolog ighur naghe nughitun, o naburig, ve nagharaat taug, ve narav ambam tsiau ve gita ila ila le aaz pisikia izaa.

⁹Tiina tsiau, yau aat napait ghom pa poia tsio ila tamtamon to nugh nugh matazi. Pale yeŋa tamtamon to nughmariŋ nilup ghei pa suŋuuŋ, ve nait mbouŋ to napait ghom.