Mbouŋ To Yes Israela 27:5-8

⁵Isaav ighe pataŋani tiina eta ivot payau, i aat iŋgin ghau naleep poi ila niima saamba. I pale iŋgooz ghau ila rumei tooni loolo. Ve i pale isur ghau nazala maetaaz ta saaŋa we, leso koiagŋa tigham gabua eta payau sov.

⁶Onoon, aazne, koiagŋa timeke tilam tilivutin ghau. Eemon naroi mako. Pasaa, Yoova pale iuul ghau ve naliiv zi. Tauvene nayoor eeza toman tintinig. Nagham watooŋrau pani ila rumei tooni loolo, ve nambou ve narav gita to napait eeza.

⁷Yoova, ighe nataŋ rarai ghom pa uleeŋ, na ulooŋ taŋiiz tsiau. Lolom isaghatin ghau ve uul ghau. Pa yau besooŋa tsio.

⁸Yo usaav payau ughe: “Ulam usuŋ payau, leso natotoi taug payo.” Tauta lolog naghe nalat tsio, ve upatooŋ taum payau.