Mbouŋ To Yes Israela 129:2-6

²“Onoon kat. Saawe tau kukuag ve ilam na, koiagŋa tighurghur pataŋani naol payau. Eemon titatan ghau mako.

³Yes tiloslos ghau le ndumeg itamboroos. Tivaghamun ghau le ndumeg imin taan tau tigheli pa vazoghiiŋ aniiŋ na.”

⁴Eemon Yoova ŋgar tooni, ene iduduuŋ mon. Tauta igham mulin ghau ila zeran sasaghati tawe nimazi, ve namin besooŋa sorok pazi muul mako.

⁵Tamtamon tisov tau tighurghur koi pa nugh Zion na, Yoova pale ipamuul zi tila toman mayazi.

⁶Yes pale timin kikiliiŋ tau itum izala ruum paavo. Itum izaa tiina soone, ve igorgor. Kikiliiŋ tauvene, tamtamon irau tilupu ve tipoosa imin tighamgham pa aniiŋ wit ne mako. Tipuli gha izi ileple.