Mboe 98:1-3

¹Kombo mboe popoŋana pa Yooba! Pa ni ikamam uraata ta ipa ndel kat. Ni iporou pa namaana mburaanaŋana ta potomŋana i ma ilip pa ka koi bizin kek.

²Yooba iswe mburaana biibi mi ikamke iti. Iswe mbulu kini ndeeŋeŋana pizin karkari ma tire kat kek.

³Ni mataana iŋgalŋgal sua ta ni imbuk pizin Israel na, mi iurur leleene pizin mi imuŋaiŋai zin. Uraata biibi ta Anutu kiti ikam piti bekena ikamke iti na, zin tomtom ta tirao pa toono ta boozomen tire kek.