Mboe 85:6-11

⁶Motom miili piam. Pa niam wal ku tau. Uulu yam be ambot ambai mini. Naso leleyam ambai pu mi amwidit urum.

⁷O Yooba, mbulu ku ta toto sua ku mbukŋana mi urur lelem pa wal ku na, swe ma amre mini. Kamke yam ma ambot ambai.

⁸Nio ko aŋgun talŋoŋ pa sua tabe Anutu iso i. Pa Yooba ko ikam sua luumuŋana piti ta kembei: Zin wal ta so tiurur lelen pini mi titoto mbulu kini na, ni ko iuulu zin ma timbot ambai mini. Mi kozo tire zin: Kokena timiili mini pa mbulu kankaanaŋana.

⁹Ŋonoono kat. Zin wal ta timototo Anutu mi tileŋleŋ la kalŋaana na, ni imbotmbot raama zin mi iuluulu zin. Pa ina zaala tabe ni iswe mburaana mi mbulu kini ndabokŋana ma ipet mat isu toono taiŋgi.

¹⁰Mbulu ki Anutu ta iurur leleene pa wal kini, ina igabgaaba mbulu kini ta itoto sua kini. Mi mbulu kini ndeeŋeŋana mi mbulu kini luumuŋana ta kembena. Tilup ma tiwe tamen.

¹¹Mbulu ki tozzo sua ŋonoono men mi tototo sua kiti, ta iwedet pa toono. Mi mbulu ndeeŋeŋana ta izzu pa kar saamba. Mi ziru tiparlup zin ma tiwe tamen.