Mboe 82:3-8

³Niom tina kombot be koporoukaala zin wal ta len mburan biibi som na, mi zin moondo. Mi niom bela kemender pa zin wal tau timbot ŋoobo mi zin wal ta len ulaaŋa sa som na, mi ku'uulu zin pa pataŋana kizin.

⁴Mi zin wal ta len mburan biibi som, mi timbot ŋoobo ma tiru zalan na, niom leyom uraata be motoyom pizin mi kakamke zin la wal sananŋan naman.

⁵Tamen niom kakamam ta kembei som. Niom tina leyom ŋgar sa som. Kawwa la zugut lene men. Pa mbulu mi tutu boozomen ta ipombolmbol mbotŋana ambaiŋana isu toono, ta kapasaana ma isaana lup.

⁶Ŋonoono, muŋgu aŋpaata yom be ‘anutu.’ Pa aŋsombe niom ta boozomen Anutu kor kana kat lutuunu bizin.

⁷Tamen niom kozo ko kemetmeete raraate kembei ta zin tomtom toono kan. Swoyom ko imap kembei ta zin bibip ki toono na, mi zoyom sa mini som.”

⁸O Anutu, maŋga mi ur kadoono pizin wal sananŋan ta timbotmbot toono na. Pa karkari ta boozomen ramaki toono kizin na, koroŋ ku men. Nu ta mborro zin.