Mboe 80:13-18

¹³Mi ŋge saŋsaŋŋan tisuzus uranuran, mi buzur saŋsaŋŋan tikanan ŋonon mi tipasansaana.

¹⁴O Anutu, nu mburom keskeezeŋom mi mbotmbot ta saamba a. Motom miili piam. Mar mi urpe ke baen ku ma imbot ambai mini.

¹⁵Pa ke baen tiŋgi na, itum nomom woono ta ipaaza. Mi nu mboro i ma iwe biibi, bekena ipiyooto kom ŋonoono ambaimbaiŋan.

¹⁶Re. Iŋgi kom koi bizin titaara ke baen ku, mi tiur you pa. Tana ketem malmal pizin, mi pambiriizi zin ma tila len!

¹⁷Mi mbesooŋo ku ta imbot la nomom woono na, kiskisi. King tiam ta itum roogi mi uri pa uraata na, motom pini mi pomboli ma iwe biibi.

¹⁸Tona niam ko ampizil ndemeyam pu mini som. Som ma som kat. Tana uulu yam be ambot ambai mini, mi niam ko ambesmbeeze pu mi ampakurkur zom.