40Indeeŋe ta timbotmbot lele bilimŋana na, tikam zooroŋana pa piizi sa? Gorgori ta tiwwa pa lele ta magargaara men na, tipasansaana Anutu leleene.
41Ni Anutu Potomŋana kizin Israel. Tamen zin tinoknok toomboŋana pini, mi tipazas keteene.
42Zin matan iŋgalŋgal mburaana som. Mi mazwaana ta ni ikamke zin pa kan koi bizin naman na, tikam ŋgar pa som.
43Pa muŋgu, ni itortooro mos mburanŋan isu Aikuptu. Ikamam uraata bibip isu lele keteeneŋana ki Zoan.