Mboe 78:21-27

²¹Anutu ileŋ sua kizin tana na, ipas keteene ma leleene ibayou kat. To ikam ma you isu mi ikan zin wal kini. Keteene malmal mi imaŋga pizin Israel.

²²Paso, zin tiurla kini som, mi tipase pini be iuulu zin som.

²³To ni iur sua pa kataama ki saamba ma ikaaga.

²⁴Mi ikam ma kini manna isu pizin be tikan. Ikam kan kini saamba kana.

²⁵Zin tikan kini ta kizin aŋela i. Anutu ikam kan kini biibi kat.

²⁶To ipei miiri biibi ma imar pa zoŋ uunu. Itunu mburaana ikam ma re ipol.

²⁷Mi ikam zin man uunuŋan ma dudut ma timar baram su pizin wal kini. Man ta tirie ma timar na, munŋaana ka tieene, kembei magargaara ki sosou.