Mboe 60:5-7

⁵Anutu, leŋ suŋŋana tiam ti, mi swooro nomom woono ma uulu yam. Pa niam wal ku ta nu lelem piam ilip. Tana kamke yam pa pataŋana taiŋgi.

⁶Muŋgu Anutu imbot lele kini potomŋana, mi iso ta kembei: “Nio niŋ se paso, aŋporou ma aŋlip kek. Tana ko aŋpeete toono Sekem mi lele ŋgolooboŋana ki Sukot, mi aŋur ma iwe leyom leyom.

⁷Toono pakaana ki Gileat, ina nio tio. Mi toono kizin Manase tomini, ina nio tio men. Eparaim ta iwe kembei koroŋ ta ipakaala uteŋ. Mi lele pakaana ki Yudea, ina kembei tete ta iwe kilalan pa peeze ta aŋkamam na.