Mboe 59:7-10

⁷Re. Sua sananŋana men ta iwedet pa kwon. Mian na, kembei ta buza mataanaŋana i. Mi timototo u som. Pa tizzo ta kembei: “Asiŋ ko ileŋ yam?”

⁸Tamen Yooba, nu zeŋzeeŋge pizin. Karkari boozomen ta timbesmbeeze pu som na, nu kamam sua repiiliŋana pizin.

⁹Anutu, nu ta pombolmbol yo mi kamam leŋ mburoŋ. Tana aŋurur motoŋ pu mi aŋpase pu. Pa nu ko wit yo mi ur yo sala kor, mi we seraara mbolŋana pa koŋ koi bizin. Tana zin ko tirao be timbuulu yo na som.

¹⁰Anutu tio, nu toto sua ku mbukŋana mi urur lelem pa wal ku. Muuŋgu pio, mi koto koŋ koi bizin ta tireudut yo na, mi aŋre kat pa motoŋ. Naso menmeen yo biibi.