Mboe 50:4-8

⁴Ni iboobo saamba mi toono be tire i, mi itiiri zin wal kini mi iur kadoono pizin.

⁵Mi iso ta kembei: “Niom wal tio tau itiŋan tumbuk sua be kewe leŋ na, kamar kulup yom su kereŋ uunu be kakam patoronŋana mi kopombol sua tiom mbukŋana mini.”

⁶Zin koroŋ ta timbot sala saamba na, tizzwe kembei Anutu mbulu kini indeŋdeeŋe men. Mi ni ta tiiriŋana katuunu.

⁷“O niom wal tio Israel, keleŋ sua tabe aŋso i. Pa Anutu tiom ta nio i. Mi iŋgi be aŋswe mbulu tiom ta kakamam ŋoobo i.

⁸Patoronŋana ta kakamam pio na, nio aŋyaamba yom pa som. Mi mbili ta gorgori kenenne zin su kereŋ uunu na, ta kembena. Aŋyaamba yom pa som.