Mboe 50:14-17

¹⁴Mi patoronŋana ta nio leleŋ be kakam pio, ina ta kembei: Leleyom ambai pio, kapakur yo pa kampeŋana tio, mi koto kat sua ta kumbuk pa Anutu tiom mbura keskeezeŋana na.

¹⁵Mi sombe pataŋana sa indeeŋe yom, na koboobo yo be aŋuulu yom. Naso aŋkamke yom, mi niom ko kapakur nio zoŋ.

¹⁶Mi zin wal sananŋan na, Anutu iso pizin ta kembei: “Tutu tio ta tibeede pataaŋa kek na, niom kawatwaata sorok paso? Mi parei ta kwoyom lala pa sua ta aŋbuk pa wal tio na?”

¹⁷Pa sua ta aŋso bekena aŋpazal yom pa na, kozorzooro. Mi kipizil ndemeyom pa tutu tio.