Mboe 44:10-20

¹⁰Nu kam ma amko papirik pa koyam koi bizin, mi zin tiyo mburu tiam ma imap.

¹¹Mi zem zin ma tikas yam sorok kembei zin sipsip ta timbit zin be tipun zin i. Mi iŋgi nu yaŋgwiiri yam ma ambot leŋaleŋa la zin wal pakan mazwan.

¹²Wal ku ta niam i. Tamen iŋgi zem wal pakan ma tikam yam sorok be amwe mbesooŋo pizin. Mi nu ur motom pa lem kadoono sa som. Parei, nu re yam kembei koroŋ sorok?

¹³Zin wal ta timbot kolouŋana piam na, tire mbulu ku tana, mi tizeŋzeeŋge piam. Mi tikamam sua repiiliŋana piam, mi matan pasom yam.

¹⁴Niam amwe kembei ta ŋeu pizin wal matan munŋan. Zin karkari tizeŋzeeŋge piam mi uten mbiŋbiŋ piam.

¹⁵Aigule ta boozomen, zoŋ ise mi ila zoŋ isula na, tomtom tirepilpiili yo. Tana koŋ miaŋ mi aŋtuntuundu men.

¹⁶Pa koŋ koi bizin tiwirri sua repiiliŋana mi pamiaŋŋana pio. Mi tiurur koi pio mi lelen be tipasaana yo.

¹⁷Tamen niam motoyam mbeleelu som, mi amolo sua kiti mbukŋana ka tutu som. Kena parei ta nu kam mbulu ta boozomen taiŋgi piam?

¹⁸Pa niam ampizil ndemeyam pu som, mi ampaŋoobo pa zaala ku som.

¹⁹Tamen nu zem pataŋana biibi taiŋgi ma ipun yam, mi iŋgi kembei ambot lele bilimŋana raama zin buzur saŋsaŋŋan men. Mi kembei ambot lela zugut mandiŋ leleene.

²⁰Anutu tiam, ŋgar turkeŋan boozomen ta imbotmbot la leleyam na, sa ike pu som. Mi nu ute: Niam motoyam mbeleelu som, mi amsuŋ pa merere pakaamŋana sa som.