4Sombe motoŋ imiili pa mbulu ta muŋgu aŋkamam na, leleŋ isaana kat. Pa niamŋan zin iwal biibi, ta muŋgu amwwa ma amzalla pa urum ki Anutu. Mi nio ta aŋmuŋmuuŋgu pizin mi amlala. Mi leleyam ambai mi ambombo mboe ma kalŋoyam kat bekena ampakur Anutu.
5Mi parei ta iŋgi leleŋ isaana mini ma kembei? Parei ta leleŋ ipata? Nio aŋbotmbot ta kembei, na ambai som. Tana ko aŋur motoŋ pa Anutu mi aŋpase pini, mi aŋpakuri mini. Pa ni Merere tio mi ulaaŋa tio.
6Nio leleŋ ipata kat, mi aŋtwer ima pu. Pa iŋgi aŋmet ma aŋbot molo kat pu. Iŋgi aŋbot mar ta abal Hermon mi abal Mizar ta yok Yordan kunduunu i. Tana ko motoŋ ila mini pa mbulu ku.