2Nio kembei aŋbot sula naala ta sananŋana kat. Mi ni iweene yo ma aŋse. Nio aŋdubup sula tiiŋgi sananŋana kat. Mi ni ipas yo ma aŋse, mi iur yo sala toono mbolŋana bekena aŋmender ma tuŋ.
3Mi ikam leŋ mboe popoŋana be aŋbo mi aŋpakur Anutu kiti zaana pa. Mbulu ta Yooba ikam pio na, wal boozomen tire. Tabe motoŋana ikam zin mi tiurla kini.
4Tomtom ta so ipase pa Yooba itutamen, nako leleene ambai mi kampeŋana ki Yooba imbotmbot se kini. Tomtom ta kembei, ni ipizilzil ndemeene pizin wal ta tipakurkur zitun. Mi zin wal ta tizem zaala ambaiŋana mi timbesmbeeze pizin merere pakaamŋan na, ni igabgaaba zin som.
5Yooba, nu ta Anutu tio. Kadom tomtom sa som. Pa nu kamam uraata bibip bekena uulu yam. Uraata tana ipa ndel kat. Mi lelem iur kek be kam mbulu ambaimbaiŋan boozomen piam. Sombe aŋtoombo be aŋnin zin, na aŋrao som.