Mboe 39:2-5

²Tana kwoŋ imun mi aŋso sua sa pizin som. Aŋyaraama ituŋ mi aŋmaane men. Tamen leleŋ ipata mi ila ila ma iwe biibi kat.

³Leleŋ ibayou ma tau aŋsaana kat. Pa aŋkam ŋgar boozo pa zin wal sananŋan ta mboti kizin ambai men. Tana aŋyamaana kembei ta you ikanan la leleŋ ma aŋrao aŋgabiizi ituŋ mini som. To aŋwi Anutu mi aŋso ta kembei:

⁴“Yooba, paute yo kat. Ndaama tio piizi ta imbotmbot men i? Ko aŋmeete mi aŋmap pa toono ŋiizi? Uulu yo be aŋkilaala kat ta kembei: Mbotŋana tio ta ki toono ti na molo som.

⁵Nu kam leŋ mazwaana rimen ŋonoono be aŋbotmbot su toono. Tana mboti tio na, kembei ta koroŋ sorok pa nu motom. Ŋonoono kat, tomtom ta boozomen mbotŋana kizin na, koroŋ sorok. Timbot rimen mi timap, kembei miiri ta iwedet pa kwon na.