Mboe 36:6-9

⁶Mbulu ku ndeeŋeŋana, ina kembei zin abal ta bibip kat. Mi mbulu ku ta tirtiiri zin tomtom pa mbulu kizin mi urur kadoono ndeeŋeŋana pizin, ina isula kat kembei ta mozo lukutuunu a. Mi nu mborro zin tomtom mi buzur mi uluulu zin, tanata timbotmbot ambai.

⁷Anutu, muŋaiŋana ku na koroŋ ŋonoono kat. Kosa sa ilip pa na som. Tana tomtom ta boozomen tipase pu be kuubukaala zin, kembei man ikuubukaala lutuunu bizin. Wal zanŋan, mi zin sorrokŋan tomini.

⁸Ruumu ku na, bok pa kini ambaimbaiŋan. Tana tomtom tikan ma tirao kat. Mi koroŋ ku ambaimbaiŋan ilala pizin kembei yok ta irereere na ma tiwinin. Tabe ikam zin ma lelen ambai kat.

⁹Nu kembei yok bukbukŋana. Pa koroŋ boozomen ta timbot matan yaryaara na, itum payaryaara zin mi kiskis zin. Mi nu kampewe yam mi urur mat piam, tana motoyam ipeere mi ambotmbot la mat leleene.