1Mboe ki Dabit Yooba, ni iurur mat pio, mi ni ulaaŋa tio. Tana nio aŋmoto tomtom sa som. Pa aŋpase pa Yooba tau. Ni ta iwe kembei siiri mbolŋana pio be aŋke lela mi aŋbot ambai. Tana irao aŋmoto koŋ pizin na som.
2Sombe koŋ koi bizin timaŋga pio, mi tikamam be tipun yo ma aŋmeete, nako titutkat kumbun, mi timelmel su toono.
3Mi sombe malmal kan boozo timar ma tiliu yo be tipun yo, na toŋgo! Irao aŋmoto zin na som. Pa sombe malmal ipet mi koŋ koi bizin timaŋga pio, na nio ko aŋpase pa Merere men tau.