9To ikaaga saamba, mi imbot se miiri tieene gabgapŋana ma isu.
10Ni imbot se aŋela mbolŋana ndemeene mi irie. Miiri tieene ta ikwaari ma irie karau men.
11Ni ike lela zugut. Miiri tieene ta izuki ma iwe kembei beeze pini be imbot lela.
12Azuŋka biibi imuuŋgu pini mi lele ikimitmit. Mi lolo niini ramaki yaŋ pat iyotyooto pa miiri tieene kini mi izzu.
13To Yooba imbot saamba, mi iso sua raama kalŋaana biibi kat, kembei lele ikuruŋ. Anutu kor kana kat iso sua ma tomtom tileŋ.