Mboe 17:9-13

⁹Pa koŋ koi bizin tiliu yo i. Iŋgi wal sananŋan tikamam be tipasaana yo.

¹⁰Wal tana lelen imun kek. Mi kalŋan izalla ma tipakurkur zitun.

¹¹Tito yo mi timar tise tio kek. Mi tiliu yo mi matan iurur be tipalkeete yo su toono i.

¹²Zin kembei laion ta peteli mi irru ka buzur. Zin kembei laion popoŋana tau ikewe la su leleene, mi izza ma imbotmbot.

¹³Yooba, maŋga lak! Muuŋgu pio mi koto koŋ koi bizin. Kas zin pa buza ku ma tisu lup.