Mboe 14:4-7

⁴Tana Yooba iso: “Wal tau tikamam mbulu sananŋana i, ŋiizi na ŋgar kizin ipet? Gorgori tipasansaana zin wal tio, mi tipakamkaam zin, mi timbotmbot se kizin. Mi matan iŋgalŋgal yo mi tizuŋzuŋ pio na som.”

⁵Wal ta kembena na, kozo tire zin. Pa kaimer motoŋana biibi kola ikam zin ma tisaana kat. Tamen wal ndeeŋeŋan na, zin ko timbot ambai. Pa Anutu ko ilae kizin mi igabgaaba zin pa lupŋana kizin.

⁶Zin wal sorrokŋan ta len mburan biibi som na, niom wal sananŋoyom kapakalkaala zaala pizin. Tanata ŋgar kizin iurur ŋonoono som. Tamen Yooba itunu ko iwe ur pizin mi imenderkaala zin.

⁷O yalei, ulaaŋa ta imbot abal Sion a, imar ma ikamke zin Israel, so ndabok! Mi sombe Yooba iuulu wal kini pa pataŋana kizin ma timbot ambai mini, tona Yakop popoŋana kini ko lelen ambai ma menmeen zin biibi.