Mboe 148:9-14

⁹Niom abalabal mi lele mbukunbukun ta boozomen, mi ke ŋononŋan mi ke mbolŋan ta munŋaana men ki su na, kapakuri!

¹⁰Mi niom mbili kar koyom mi buzur su koyom, niom koroŋ karraŋoyom, mi niom man ta kirie na, kapakuri!

¹¹Niom king, mi iwal karkari ta boozomen, niom peeze koyom, mi niom ta zoyomŋoyom na, kapakur Yooba!

¹²Niom naŋgaŋ mi tamuriŋ, kolman mi pikin, kapakuri!

¹³Niom ta boozomen bela kapakur Yooba zaana. Pa ni itutamen ta zaana biibi ma ilip. Koroŋ boozomen ta timbot pa saamba mi toono na, tiswe i kembei ni ta biibi ŋonoono.

¹⁴Mi iŋgi ni ikam wal kini len mburan popoŋana mi ipakur zin mini. Zin wal kini ta tiurur lelen pini mi titoto mbulu kini na, ni ikam ma urun iwe biibi. Pa ni leleene pizin Israel mi imbotmbot kolouŋana pizin. Haleluya!