Mboe 145:2-8

²Aigule ta boozomen nio ko aŋpakurkuru pa kampeŋana ku, mi aŋwidit zom isala kor ta buri, mi iseeŋge iseeŋge ma ila.

³Yooba, ni ta biibi ŋonoono. Takam ŋgar pini na tarao som. Tanata tomtom tiwidit uruunu ma isala kor kat! Pa ni biibi kat.

⁴Tomtom ko tipepeebe len kelŋan, mi tiwidit urum pa uraata ku ndabokbokŋan, mi tizzo zin pa. Ko tizzo zin pa mos ku mburanŋan ma tileŋleŋ. Naso zin tomini tipakurkur zom, mi iseeŋge iseeŋge ma ila.

⁵Ko tizzo pa mburom, zom biibi, mi azuŋka ku ta ilip kat. Mi nio ta kembena. Leleŋ be aŋkamam ŋgar pa uraata ku ndabokbokŋan ta ipa ndel kat.

⁶Tomtom ko tizzoyaryaara uraata ku mburanŋan ta tomtom tire ma timoto na. Mi nio ko aŋzzoyaryaara zom biibi.

⁷Tomtom ko matan iŋgalŋgal kampeŋana ku biibi mi tizzoyaryaara uruunu. Ko kalŋan izalla mi timbombo mboe pa mbulu ku ndeeŋeŋana.

⁸Pa Yooba, ni leleene izanzaana pizin mbesooŋo kini, mi imuŋaiŋai zin mi ikampewe zin. Ni keteene malmal karau som. Mi itoto sua kini mbukŋana mi iurur kat leleene pa wal kini.