Mboe 139:12-15

¹²Pa zugut irao be isekaala motom na som. Mi mbeŋ na, nu rre koroŋ ta boozomen raraate kembei ta aigule. Tana zugut mi mat na, raraate men pa nu motom.

¹³Nu ta ur leleŋ. Mi nu ur koroŋŋoŋ ta boozomen, mi lup lela anaŋ kopoono leleene mi aŋsu.

¹⁴Tana nio aŋmoto u mi aŋpakuru. Pa nu pa ndel kat. Mi uraata ku boozomen ta kembena. Ipa ndel kat. Nu ute yo ma imap.

¹⁵Indeeŋe ta aŋtum riŋariŋa lela anaŋ kopoono na, nu ute. Tiroŋ ta boozomen iŋgalakenken, mi tasa ike pa nu motom som.