Mboe 136:20-25

²⁰Mi ipun Og, ta king ki Basan na, ma imeete. Ni itoto sua kini mbukŋana mi iurur leleene pa wal kini ma alok.

²¹Mi ikam toono kizin pa wal kini Israel ma iwe len. Ni itoto sua kini mbukŋana mi iurur leleene pa wal kini ma alok.

²²Ikam toono tana pa zin Israel ta mbesooŋo kini na, ma iwe len be timbotmbot pa, mi iseeŋge iseeŋge ma ila. Ni itoto sua kini mbukŋana mi iurur leleene pa wal kini ma alok.

²³Indeeŋe niam ambot ŋoobo kat na, ni mataana mbeleele yam som. Ni itoto sua kini mbukŋana mi iurur leleene pa wal kini ma alok.

²⁴Ni itatke yam pa koyam koi bizin naman. Ni itoto sua kini mbukŋana mi iurur leleene pa wal kini ma alok.

²⁵Ni ta ipututu koroŋ matan yaryaaraŋan ta boozomen. Ni itoto sua kini mbukŋana mi iurur leleene pa wal kini ma alok.