Mboe 130:4-7

⁴Tamen nu muŋaiŋana katuunu, mi rekreege sanaana tiam. Tanata tomtom timototo u mi tileŋleŋ la kalŋom.

⁵Nio aŋpase pa Yooba mi aŋzza i. Pa leleŋ ilip be iswe muŋaiŋana kini mi iuulu yo. Tana aŋurur motoŋ pa sua kini mbukŋana be iur ŋonoono, mi aŋbotmbot.

⁶Nio leleŋ pa Yooba ilip mi aŋurur motoŋ pini, kembei zin menderŋan ta matan pa kar pa mbeŋ na, tiurur matan pa zoŋ. Zin, sombe tire zoŋ pok ma ise, na lelen ambai. Mi nio ta kembena. Sombe Yooba iswe itunu mi muŋaiŋana kini pio, nako leleŋ ambai kat.

⁷O niom Israel, kapase pa Yooba mi kuur motoyom pini be iuulu yom. Pa ni itoto sua kini mbukŋana mi iurur leleene pa wal kini. Sombe ni itatke yom pa pataŋana tiom, nako ikam ma ikam kat.