Mboe 119:75-78

⁷⁵O Yooba, nio aŋute: Tutu ku mi kadoono ta urur pizin tomtom, ina indeŋdeeŋe men. Mi nu toto sua ku mbukŋana mi urur lelem pio, tanata balis yo mi pazal yo.

⁷⁶Nio mbesooŋo ku tau. Tana aŋsuŋu be to sua ku mbukŋana, mi swe mbulu ku ta urur lelem pa wal ku mi muŋaiŋai zin na. Naso potor leleŋ mi pombol yo.

⁷⁷Lelem isaana pio, mi uulu yo ma aŋbot ambai mini. Pa sua ta nu kam piam, ta ikam yo ma leleŋ ndabok kat.

⁷⁸Zin wal ta tipakurkur zitun mi matan pasomu, nako kan miaŋ. Pa tiŋgalŋgal sorok sua pakaamŋana pio. Mi nio, nako motoŋ lala pa sua boozomen ta nu ur na, mi aŋkamam ŋgar pa.