Mateos 11:2-5

²Faik ndia, Yohanis nai bui dale so. Ledoeik ana namanene basa dedeꞌa kala fo Yesus tao kala sila so, boe ma nadenu ndia ana mana tungga nala fo leu latane Yesus, lae,

³“Manetualain helu memak neme makahulun mai so, nae, Ana sangga haitua Karistus mai, fo nasalaꞌe nala ita hataholi Yahudi la. De, Ama ia, ndia Karistus do? Do, ai musi mahani hataholi feꞌek bali?” Sila natatanen neu Yesus leondiak.

⁴Namanene leondiak, boe ma Yesus nataa, nae, “Ei mamanene aom so, ma mita aom so. De fali, fo mafada Kaꞌa Anis, mae, basan mana dadik so, tungga hata fo Manetualain mana kokolan Yesaya sulak mema kana so, nae:

⁵Hataholi mboke kala, bisa lita. Hataholi luꞌuk, foꞌa de laꞌok. Hataholi kamahedi kusta, dadik malalaok. Hataholi mbakek, bisa namanene. Hataholi mana matek, nasoda fali. Hataholi mana toꞌa-taak, namanene Hala Malole.