MATAIO 10:35-39

³⁵Badina lau mai, be heai do lau havaraia totona. Tau ta ese iena tamana do ia badu henia, bona kekeni ta ese iena sinana do ia badu henia, bona hahine matamata ese iena ravana hahine do ia badu henia.

³⁶Bona ruma taudia ese ruma ena biaguna do idia badu henia.

³⁷“Bema tau ta ese iena tamana o iena sinana ia ura henia bada, to lau dekenai ia ura henia maragi, ia be lau dekenai do ia hegeregere lasi. O bema tau ta ese iena natuna mero o iena natuna kekeni ia ura henia bada, to lau be ia ura henia maragi, ia be lau dekenai do ia hegeregere lasi.

³⁸Bona bema tau ta ese iena satauro do ia abia isi lasi, lauegu murina dekenai do ia raka lasi, ia be lau dekenai do ia hegeregere lasi.

³⁹Iena mauri ia dogoatao tauna ese iena mauri do ia halusia, to lau dainai iena mauri ia halusia tauna ese iena mauri do ia davaria.