Maleko 5:5-26

⁵Lahai yo iꞌipa ya laulau gaibu ai bwana yo ai tuꞌa. Ya ꞌwalaꞌwalawui yo tauna ya anseseidi ai umeꞌehu senadi.

⁶Yesu hola ya laolaoma na dogana ya itaꞌita lau be ya ita yo fede ya fabelele be nuwanuwana yai ya tulibono.

⁷Habahim ya liba laꞌilaꞌi iyen, Yesu, Hewa Wananaha Yaubadana Natuna! Somo lisigu yai wa fanuha? E anꞌetaim Yaubada hesana yai, tabu u fakamkamnagu!

⁸(Ya liba doha paꞌana Yesu iyen, “Yaluwa heyaheyayadi doga ni au lau afulen!”)

⁹Yo fede Yesu ya fatiꞌo lau lisina iyen, Hesam somo? Taumoho iyen, Hesagu “Baiwa–,” ꞌe ouli wananaha!

¹⁰Ya anꞌeta lau Yesu lebena tabu yaluwa heyaheyayadi ai nuꞌu ni i lau weꞌaidi.

¹¹Na sadai yai mate salai baiwadi sa suwasuwali daha sadaina yai.

¹²Yo fede yaluwa heyaheyayadi Yesu sa anꞌetai tiyen, Aee–, u fatamalimai ai lau salai ai ganahewadi ai miya.

¹³Yo fede Yesu ya duidi be sa kalamahano na sa lau salai baiwadi doha 2,000 sa luhufidi. Salai sa leta kokoli daha yai be sa dago lidi hoꞌowa yai. Yo fede sa kapulolo.

¹⁴Salai tau itaꞌita watanidi sa gela be sa lau sa fatala libalibaen taon yai yo mulimulina nuꞌudi yai be dodoga sa laoma somo ya tubu sa ita.

¹⁵Sa mahanoma Yesu lisina, taumoho wa uluna ya dudulai. Kaleko ya liꞌo, na ya taꞌataꞌai sa ita. Yo fede mahudoꞌidi sa ꞌwasabu.

¹⁶Somo ya tubu taumoho ni yo salai lisidi yai salumadi sa ita, mate dodoga edi sa liba.

¹⁷Yo fede Yesu sa faliba tiyen, Aee–, ema nuꞌu u lau afulen!

¹⁸Waga yai Yesu ya awa na doga ya faloholoho wa ya libalau lisina iyen, Aee–, Yesu, bena E lau watanim!

¹⁹Yo fede alinana, Yesu ya bui iyen, Hige gonowana! U fuyo em luma yo am boga lisidi be Guyau ena nuwatohatoha lisim yai yo somo ya ginauli lebem yai enehedi u liba.

²⁰Yo fede doga wa ya aulaha ya lau Dekapolisi Nuꞌuna yai be somo Yesu ya ginauli lisina yai ya falibadi. Salumadi sa atahiyen mate sa noꞌo.

²¹Waga yai Yesu sa dohe be sa mahano yo fede baiwa sa faꞌoigogon.

²²Aba oiꞌoigogo baꞌisana hesana Diyailusi ya mahanoma Yesu ya ita yo fede ya hoba lidi ahena yai.

²³Ya anꞌeta gadogadola lau lisina iyen, Natugu waiwaihin mate nuꞌanuꞌana. Te lau be wa abilau ai tauna haba ya loholoho!

²⁴Yo fede Diyailusi maꞌena Yesu sa lau. Dodoga mate sa faipapipapi na sa laulau watanidi.

²⁵Waihin hesa ana asiyebo mate ꞌwasina ya miyamiya afulen ee–, bolima safuhudohudoꞌi luwaga.

²⁶Doketa boludi fuya lofalofa edi mulamula yai sa fafakamkamna. Ena moni mahudoꞌina ya pei faꞌofi bena haba loholoho ya lobahi. In moho ana asiyebo ya fafalaꞌi.