Maleko 4:11-27

¹¹Yesu ya falibadi iyen, Yaubada Aba Baꞌisa libana simosimona mate haꞌa E falibamiu. Na dodoga haisa mate heyaheyason yai sa atahiyen.

¹²“Haba sa ita na in moho ibege ti ita lobahi; haba sa ataꞌatahi na in moho ibege ti nuwatuhu lobahi. Ibe moho nuwadi sa buidi haba edi heyaheyaya ya nuwa afuledi.”

¹³Habahim Yesu ya fatiꞌoidi iyen, Yena heyaheyason te hige au sibai mate haba haisa sidohana emi sibasibaidi?

¹⁴Tau falili mate Yaubada ena wasa tau umahina.

¹⁵Dodoga haisa itaꞌitadi doha tuma edaꞌeda yai. Wasa sa atahiyen yo fede Diyabolo ya laoma be libana nuwadi yai ya abi fahi.

¹⁶Dodoga haisa iti doha tuma sa beꞌu lidi tanohi umeꞌumeꞌehuna yai. Wasa sa atahiyen yo fede sa abi ma nuwa amnadi.

¹⁷In moho hige i abi lam nuwadi yai be hige i ota lofalofa. Yena pilipili e kamkamna sa laoma wasa ni debana yai feula na sa muli suhasuha.

¹⁸Na dodoga haisa doha tuma sa in hawahawa nulinulidi ubudi yai. Iti logedidi wasa tau atahiyenna.

¹⁹In moho: mode hudoꞌi - hudoꞌi, bena sa fagogo, yo fanufanuha haisa nuwadi sa famohafudi. Yo fede wasa sa eli bulubuluhi be hige ti fuwa.

²⁰Dodoga haisa mate doha witi tumadi sa falili tanohi loholohona yai. Wasa sa atahiyen yo fede sa lau watan be uludi sa toledi. Haisa naunaudi na haisa sa duliduli.

²¹Yesu hinaga ya liba iyen, Yena lampa wa gabu haba ai gulewa wa fakou e ai aba eno ubuna wa tole? Higeꞌe! Haba ai mahata wa tole.

²²Ginauli simosimodi haba sa taumahata na somo sa fakou haba bubulina sa kamfahi.

²³Fafabeyamiu, au ataꞌatahi komakoman!

²⁴Yo ya falibadi hinaga iyen, Somo ami atahi mate au fadosi komakomaniꞌi! Lufa laꞌina somo wa fapaisowa haba gonogonowana ai lisim sa fapaisowa e haba ya diꞌoi.

²⁵Yena sai somo lisina yai mate Yaubada haba ya falaꞌi. Na sai higeꞌe mate somo begana lisina yai hinaga haba ya kamfahi.

²⁶Yesu ya liba fuyo iyen, Yaubada Aba Baꞌisa itaꞌitana doha taumoho hesa tuma ya lau falili gabu yai.

²⁷Lahai fisa mulidi yai tuma wa ya in. In moho sidohana ena inꞌin yo ena laꞌilaꞌi hige i sibai.