Maka 6:13-14

¹³Epame bataliya yimlala opa dulu dla ha꞉ha꞉leye yia꞉ta alikili dla dodolomsalemsiyamaiyo. Epame esusulumale so mape dakopala mate yia꞉ dokopala dla huhutupiliyelati esiyeleta yia꞉ tle pa꞉mdiyo.

¹⁴Epalati alotle Yesuta itiyamale mate ulugiyemale koko halomsela꞉lati opata Yesu koko dla epo atlemdiyo, “Oplami iye Yon opa yú dla ka꞉ka꞉timalalo oplami mle. Epedeme ya꞉ powale tle ma-sila꞉timpuame ulugiyemale koko i halomsela꞉yo,” demdiyo. Epo opa opita ma epo atlemdiyo, “Yesuye God tle yu hapame molo atlalo oplami hale Ilaya mle,” demdiyo. Epalati ma opa opitapo epo atlemdiyo, “Ya꞉ God tle yu hapame molo atlalo so ka꞉yapa ha꞉ha꞉uwa so epapele oplami hale mle,” demdiyo. Amasiyama Helodta Yesu koko dalepame epo atlaiyo, “Ya꞉ye Yonpo. Na꞉ta dokopala ketamastauwata matle powale tle pasakalo depo sila꞉timsela꞉yo,” diyo.