LUKU 9:38-49

³⁸Zà guu gↄ̃gbɛ̃ ke pũ̀tã à bè: Dannɛri, n yã nna! Ǹ ma nɛ́ gwa, zaakɛ nɛ́ mɛ̀n doo kɛ̀ má vĩin gwe.

³⁹Zĩn è fɛɛa, ben è wii lɛ́ kãndo. È à pãɛ àgↄ̃ petee boo àgↄ̃ lóu futa bↄɛɛ, è ĩa daa è goa kpakpaaro.

⁴⁰Ma wɛ́ɛ kɛ̀ n ìbanↄa aↄ̃ pɛ́ zĩn pìa à bↄ, ben aↄ̃ fùa.

⁴¹Yesu bè: Tↄ̃ↄrigbɛ̃ yakana ludanaanɛkɛrisaideenↄ! Mɛ́gↄ̃ kúao ai bↄrɛmɛ? Mɛ́gↄ̃ mɛnaaao ai bↄrɛmɛ? Ǹ mↄ kↄ̃n n nɛ́ pìo kɛ̀.

⁴²Ai nɛ́ pì gↄ̃ gá sↄ̃zi, ben zĩn pì à pã̀ɛ, èe petee boo. Ben Yesu gì zĩn pìnɛ à nɛ́ pì kɛ̃̀kↄ̃a, ben à à kpà à dea.

⁴³Luda gbãa bíta yã pì bↄ̀ ń saɛ ń píngi. Gbɛ̃nↄ lɛ́ àɛ Yesu yãkɛnaa píngi, ben à bè a ìbanↄnɛ:

⁴⁴Àgↄ̃ yã kɛ̀kii kũna a nↄ̀sɛ guu. Weé Gbɛ̃ntee Nɛ́ na gbɛ̃nↄnɛ ń ↄzĩ tia.

⁴⁵Aↄ̃ↄe yã pì dↄ̀rↄ dↄ̃ro, à mì utɛnańnɛ, aↄ̃ fùa, ben vĩa ń kũ aↄ̃ yã pì gbekaa.

⁴⁶Ben aↄ̃ fɛ̀ɛ kↄ̃n lɛokpakↄ̃ao dɛnlaa yã musu.

⁴⁷Yesu laasuu kɛ̀ kú ń nↄ̀sɛ guu dↄ̃̀, ben à nɛ́ féte sɛ̀ à à zɛ̀ a saɛ,

⁴⁸à bèńnɛ: Gbɛ̃ kɛ̀ nɛ́ kɛ̀ taka sì ma ìbakɛɛ yãnzi, mámbe à ma si. Gbɛ̃ kɛ̀ ma si sↄ̃, adee gbɛ̃ kɛ̀ ma zĩi sìmɛ. Gbɛ̃ kɛ̀ a zĩnda dìɛ kɛ̃sãna a tɛ́ bé à gbɛ̃nsi ũ.

⁴⁹Ben Yohana bè: Dii, wa gbɛ̃ke è, èe zĩnnↄa gooḿma kↄ̃n n tↄ́o, ben wa ginɛ zaakɛ wa gbɛ̃nlo.