Luke 21:4-30

⁴indji biyi ba yo ni mi gbugbu u ba. Naki iwa u koh ni miyah ma ayo wawu ikpe di a he niwu.

⁵Bari ba tre ni tu tra Irji, yada ba mla tie bi ni tita ni baiko, A tre.

⁶Ikpi bi yi wa bi si toh, ivi ri ni ye wa tita ri na sun nitu ri na ba na grji ye ni meme'a na.

⁷Ba mye, mala, kpi biyi ba ye ni tan? A ngye ni tsro ta inton wa kpi'a ba ti'a?

⁸Yesu ka hla ni bawu, mla ya, na du indrjo ye gyru yi na, gbugbu ba ye ninde mu, da tre ndi ame yi me wawu, u inton a tie whewhre, na hu ba na.

⁹Inde bi woh ba taku da ni tsi bi kana klu sissri na, ni mumla se kpi bi yi ba ye, u kle, gbugblu na ye zizan na.

¹⁰Wa a hla ni bawu, gbugblu ni lu ni tu gbugblu, mulki ni lu nitu mulki.

¹¹Meme u gbugblu yi ani grju kagon, iyon ni tie ni gbugblu wawu, lilo ni ka gbugblu'a wawu. Ikpi bari ba grji rji shu da no sissri.

¹²Naki kpi biyi du ba ye, ba tsi yi da ti meme kpe ni yiwu, da zu yi ni tra Irji, ba vu yi sru ni brusuna, ba gbi yi hi ni ba chu, baba ngona, nitu inde mu.

¹³Ani he ijou tre.

¹⁴Na ri mre kpi wa bi tre ni koshi na,

¹⁵Me mi no yi trre wa bi tre, di no imrre ndindi wa bi kra yi banaya krie ni yi na.

¹⁶Ba ti bi, mri vayi, mla bi baba kpukpa bi ba tiyi yah da wu bari bi.

¹⁷Ndji ba wawu bbawu ba kran yi ni tu inde mu.

¹⁸Naki ko futu riri ni tubi na joku na.

¹⁹Ni mi vu suron bi bi kpa re bi.

²⁰I hi toh soja ba kru wurushelima you ni tsutsu, bika toh ndi joku ma tie whewhre.

²¹Biwa ba he ni Judiya du ba tsutsu hi ni gblu u bi wa ba he ni mi gbu ba ka don gbu'a u bi wa ba he ni ko rah gbu'a baka ba ri nimi gbu'a na.

²²Bi yi ba vi u rju hla, du kpe wa ba han duba kle.

²³Iyah ba bi wa ba hei ne, ni bi no mri sisan ni toh kima, iya nihe ni gbu'a ni nfu ni tu ndji ba.

²⁴Inji gban ni kaba hle, ba vu ba kma tie gran ni gbungblu, biwa bana toh Irji na ba chan Wurushelima ni zah, se ivi u bi wa bana toh Irji na nikle

²⁵Igban ni tsro ni Irji, ni wha kpan baba tsitsen, ni meme. Iya ni shu ni gbungblu, ni wrji kpukpa don yi man ni ne.

²⁶Indji ba tie sissri da ta kukmo da ni gbie kpe wa basi ye ni gbungblu, gbengblen bi shu ba ta chu.

²⁷U ba toh vren ndji ni ye ni mi kpalu ni gbengblen ni kikle daukaka ma.

²⁸Inde kpi bi yi basi ye, lunde krikrie ni nzu tumbi. Du ndji wa ni ye kpa yi chuwo a ye whewhre.

²⁹Yesu tre nda ka yiyi ni bawu, yah kunkro indhu baba mbru kunkro ba.

³⁰Biyi ni tu bi bika toh ndi iga ati whewhre.