Lukas 21:20-24

²⁰A komail lao udial, me saunpei kan kapili pena Ierusalem, komail ap asaki, me a ola korendor.

²¹A me mimi Iudäa, ni ansau o, en tangdala nan nana; o me mi nan warong a, en pitila sang; o me mimi nan sap, ender purelang i.

²²Pwe i ansaun depuk, pwe karos, me intingidier, en pwaida.

²³Suedi ong me lisean o me kadidi seri ni ran oko! Pwe kalokolok pan lapalapia nan sap et o ongiong ong aramas pukat.

²⁴O re pan kame kila kodlas, o salilang wei karos, o Ierusalem pan tiak pasang ren men liki kan, lao ansau en men liki kan, pan lel.