Luka 4:4-18 in Swahili (individual language)

⁴ Yesu akamjibu, “Imeandikwa: Mtu haishi kwa mkate tu.”

⁵ Kisha Ibilisi akamchukua hadi mahali pa juu, akamwonyesha kwa mara moja falme zote za ulimwengu. Huyo Shetani akamwambia,

⁶ “Nitakupa uwezo juu ya falme zote hizi na fahari zake, kwa maana nimepewa hivi vyote; nikitaka kumpa mtu ninaweza.

⁷ Hivi vyote vitakuwa mali yako wewe, kama ukiniabudu.”

⁸ Yesu akamjibu, “Imeandikwa: Utamwabudu Bwana Mungu wako, na utamtumikia yeye peke yake.”

⁹ Ibilisi akamchukua mpaka Yerusalemu, kwenye mnara wa Hekalu, akamwambia, “Kama wewe ni Mwana wa Mungu,

¹⁰ kwa maana imeandikwa: Atawaamuru malaika wake wakulinde,

¹¹ na tena, Watakuchukua mikononi mwao usije ukajikwaa mguu wako kwenye jiwe.”

¹² Lakini Yesu akamjibu, “Imeandikwa: Usimjaribu Bwana Mungu wako.”

¹³ Ibilisi alipokwishamjaribu kwa kila njia, akamwacha kwa muda.

¹⁴ Yesu alirudi Galilaya akiwa amejaa nguvu za Roho Mtakatifu, na habari zake zikaenea katika sehemu zote za jirani.

¹⁵ Naye akawa anawafundisha watu katika masunagogi yao, akasifiwa na wote.

¹⁶ Basi, Yesu alikwenda Nazareti, mahali alipolelewa, na siku ya Sabato, aliingia katika sunagogi, kama ilivyokuwa desturi yake. Akasimama ili asome Maandiko Matakatifu kwa sauti.

¹⁷ Akapokea kitabu cha nabii Isaya, akakifungua na akakuta mahali palipoandikwa:

¹⁸ “Roho wa Bwana yu juu yangu, kwani amenipaka mafuta niwahubirie maskini Habari Njema. Amenituma niwatangazie mateka watapata uhuru, vipofu watapata kuona tena; amenituma niwakomboe wanaoonewa,

⁴ Yesu akamjibu, “Imeandikwa; 'mtu hataishi kwa mkate pekee.”

⁵ Kisha Ibilisi alimwongoza juu kwenye kilele cha mlima, na akamwonyesha falme zote za dunia kwa muda mfupi.

⁶ Ibilisi akamwambia, “Nitakupa mamlaka ya kutawala falme hizi zote pamoja na fahari zake. Naweza kufanya hivyo kwa sababu vyote vimekabidhiwa kwangu nivitawale, na ninaweza kumpa yeyote nitakaye kumpa.

⁷ Kwahiyo, kama utaniinamia na kuniabudu, vitu hivi vyote vitakuwa vyako.”

⁸ Lakini Yesu alijibu na kumwambia, “Imeandikwa, “lazima umwabudu Bwana Mungu wako, na lazima umtumikie Yeye peke yake.”

⁹ Baadaye Ibilisi alimwongoza Yesu hadi Yerusalemu na kumweka sehemu ya juu kabisa ya jengo la hekalu na kumwambia, “Kama wewe ni Mwana wa Mungu, jitupe chini kutoka hapa.

¹⁰ Kwa sababu imeandikwa, “Atawaagiza malaika zake wakutunze na kukulinda,

¹¹ na watakuinua juu mikononi mwao ili kwamba usiumize miguu yako juu ya jiwe.”

¹² Yesu akijibu alimwambia, “Imenenwa, “usimjaribu Bwana Mungu wako.”

¹³ Ibilisi alipomaliza kumjaribu Yesu, alienda zake na kumwacha hadi wakati mwingine.

¹⁴ Kisha Yesu alirudi Galilaya kwa nguvu za Roho, na habari kumhusu yeye zikaenea na kusambaa katika mikoa jirani yote.

¹⁵ Alifundisha katika masinagogi yao, na kila mmoja alimsifu.

¹⁶ Siku moja alikwenda Nazareti, mji ambao alilelewa na kukulia. Kama ilivyokuwa desturi yake aliingia kwenye sinagogi siku ya sabato, na alisimama kusoma maandiko.

¹⁷ Alikabidhiwa gombo la nabii Isaya, hivyo, alilifungua gombo na akatafuta sehemu iliyoandikwa,

¹⁸ “Roho wa Bwana yuu juu yangu, kwa sababu alinitia mafuta kuhubiri habari njema kwa maskini. Amenituma kutangaza uhuru kwa wafungwa, na kuwafanya wasioona waweze kuona tena. Kuwaweka huru wale wanaogandamizwa,