Luka 24:13-18

¹³Ya aköl töŋ awën, ke kɔc Jethu buɔɔth karou jɔt röt bïk la pan cɔl Emauth, ku ë mec kek Jeruthalem tɛ̈ cït kilomïter thiäär ku tök.

¹⁴Tɛ̈wën ciɛth kek ke jam ku takkë käk cï röt looi,

¹⁵ke Jethu bɔ̈ ku ciɛth ke kuany keyöth.

¹⁶Ku mär këdäŋ kepuɔ̈th bïk cïï ŋic.

¹⁷Go Jethu ke thiëëc, “Yeŋö bakë lueel tɛ̈thɛɛr awën ciɛth wek?” Gokë kɔ̈ɔ̈c ku dötkë piny ke cï kenyïn wel.

¹⁸Go raan tök kamken cɔl Kliöpath wɛ̈tde bɛ̈ɛ̈r, “Adhil a yïn raan töŋ rɛ̈ɛ̈r Jeruthalem kuc käk cï röt looi thïn ye nïnkä yiic.”