Luk 24:13-18

¹³Aria ahudok atuh nyumnah, biom hanakum anabur wabur nyeiguriburum Emeus. Rougun um agundok shupe Jerusalem shunak um Emeus um douk hurukatin um 11 kilomita.

¹⁴Douk amam hanak aria hape haneyagwreh hanakum enyudok ihinyumorim mugu douk nyatogur iri.

¹⁵Amam haneyagwreh aria shopunek henek urkum hape hanarigum hanak. Aria Jisas anan kanak nanaki hurukatin aria nani amam hanak atin.

¹⁶Aria amam hatrun aria amam madae hudukeman hukri anan douk Jisas uwe, uwok.

¹⁷Aria anan narigam nakri, “Ipak pape panaki aria pape peyagwreh um maresh?” Douk anan narigam namudok aria amam heyotu abom. Aria amamiruh aparuh yoweruh abom aria amamigos yamagos sotohiyahi.

¹⁸Aria anan shahwaran um Kliopas iri narigan nakri, “Sabaishi kupairubi warubish douk shanaki shape Jerusalem iri shadukemesh um enyudok douk nubokuhiyeh nyumnah nyatogur Jerusalem iri. Aria douk ta nyak atin nyape Jerusalem iri madae nyudukem enyudok mugu douk nubokuhiyehi nyatogur iri uwe?”