26“Le ya geumge erkepinorge obakelare nade wi odasmerlare able bodomalam ya watabakiamu kemerkemer gesepem; wer a wader lu pe mige nagri ya adem obaker taba agekar uteblam.
27“Keubu wi odasmerare Lera Werem watabakiamu bazge au sasrimsasrim a au zoromzorom.
28“Nade able lu ya obagrertare, wa bako a erkep adem nagredawa ableglam wabi azimwaretira kerker pe itutida.”
29Ege Iesude yabi gesepira ad daratagerda; “Wa bager a dasmerare able roz lusik.