Luk 24:21-25

²¹Melabat bin ol reken im na garra meigim ola pipul iya langa dijan kantri Isreil jidan fri. “Wal im thrideistaim na brom det taim wen deibin kilim im ded,

²²en sambala gel blanga melabat bin meigim melabat hatjamp, dumaji ailibala deibin go langa det keib,

²³en dei nomo bin faindim im bodi deya. Deibin kambek, en deibin dalim melabat deibin luk sambala einjul deya, en detlot einjul bin dalim olabat Jisas im laibala.

²⁴En sambala men bin go langa det keib, en deibin faindim im lagijat gin weya detlot gel bin tok, en dei nomo bin luk im bodi.” Lagijat na det men bin tok.

²⁵Wal Jisas bin tok, “Yunbala granggibala! Wotfo yunbala kaan bilib ebrijing detlot speshalwan mesinja blanga God bin tok?