Luk 23:33-36

³³X sc tzvzmipxpemlr mz nibr drkq r Jerusalem, mz newz kc tzrpibz Bekrlz murde nzobq-krde apule bekrlz. X nztqlvztrlr Jiszs mz kzdq kros elr. X nztqlvztr-kzlr mz kros kzbleng ncblo kcng nzling taplxsr nrlar Jiszs.

³⁴X sc tqrpipe Jiszs kx, “Trte, ipqpxbz alwx ngrdr! Murde trnzkrlzlru da lc tzalelr.” X nctq lrpz scdeng nzayrleti ncblo ngr vea kcng daes.

³⁵Leplz kcng tzyrlwrng mrkc sc tzmcpelr mzli kc kxnzrmailzng lr Jiu tzxtrngalvztr-ngrdr Jiszs. Tzrpilr kx, “Krlzle nzarlapx-krde kzdu-kzng leplz. Nzmu kx tqnginide Mevalu kc tqmcpx Gct, na-arlapx-lzbq.”

³⁶Ncblo ngr vea kcng nzxtrngalvztr-kz-ngrdr nide, nzrpi-krbzlr kx, “Kx tqnginim king r lr Jiu, e arlapx-lzbq! Vzom murde namnqku du waen lc tqrkx!”