Lucas 6:20-26

²⁰Jesus iwitediogi niɡ̶ijo anodiotibece, odaa meetediogi, “Niɡ̶ida makaamitiwaji aniniitibeci, anakaami madewetedi, igaataɡ̶a Aneotedoɡ̶oji ja iiɡ̶e ɡ̶adaaleɡ̶ena.

²¹Aniniitibecitiwaji ane anigicile niɡ̶ina natigide, igaataɡ̶a icota me ɡ̶aditiminitiwaji. Aniniitibecitiwaji ane anoenitibece niɡ̶inoa nokododi, igaataɡ̶a icota malajikanitibece.

²²Aniniitibeci niɡ̶ina akaamitiwaji ane deɡ̶etiɡ̶ademaani, ane deɡ̶ele modibataɡ̶agi, codaa metiɡ̶adienitibige, nige odi makaami abeyacaɡ̶aɡ̶a, leeɡ̶odi maniwitici ane Ee, Ǥoneleegiwa ane jicoɡ̶otibigimece ditibigimedi.

²³Niɡ̶ina nige ixomaɡ̶ateenitedijo niɡ̶inoa nawikodico anejitalo, jemaa meliodi maniniitibecitiwaji. Igaataɡ̶a Aneotedoɡ̶oji ja yotetetedaɡ̶adomi ane daɡ̶axa meletaɡ̶adomitiwaji digoida ditibigimedi. Igaataɡ̶a diganee natigide, jiɡ̶idaaɡ̶ee niɡ̶ijo jotigide litacepodi niɡ̶ina oko moyametibigo niɡ̶ijo anoyeloɡ̶oditedibece Aneotedoɡ̶oji lowooko.

²⁴Pida akaamitiwaji biɡ̶icota meliodi mawikodeetiwaji, anakaami liicotedi, igaataɡ̶a jaɡ̶abaatege icoatawece niɡ̶icoa anakati mabaatege, aɡ̶aleeɡ̶abaatege eledi aneletaɡ̶adomi.

²⁵Icota meliodi maɡ̶aɡ̶a awikodeetiwaji, akaami anele manioditiwaji niɡ̶inoa nokododi, igaataɡ̶a icota me ɡ̶adeloati nigigi. Codaa icota meliodi mawikodee, akaami ane alajikanitibece, igaataɡ̶a icota manoeni leeɡ̶odi ɡ̶agecaɡ̶aloɡ̶o.

²⁶Eliodi maɡ̶aɡ̶a awikodee niɡ̶ina akaami anetiɡ̶adiweniɡ̶ideni niɡ̶ina oko, igaataɡ̶a niɡ̶ica jotigide ɡ̶adaamipi aaɡ̶aɡ̶a oiweniɡ̶ide niɡ̶ijoa awitakaɡ̶aɡ̶a anodi moyeloɡ̶oditedibece Aneotedoɡ̶oji lowooko. (Pida oinaale niɡ̶ijo noiigi.)