Luku 6:20-26

²⁰Ɔ̃ à wɛsɛ̀ a ìwaↄ gwà à mɛ̀: Báaadeↄn á gbɛ̃́ pↄ́ álɛ taasikɛↄ ũ, asa kpala pↄ́ bↄ̀ Lua kĩ́i dɛ á pↄ́ ũɛ.

²¹Báaadeↄn á gbɛ̃́ pↄ́ nↄana lɛ́ á dɛ gbãↄ ũ, asa á kã́. Báaadeↄn á gbɛ̃́ pↄ́ álɛ ↄ́ↄlↄ gbãↄ ũ, asa á yáalↄ.

²²Báaadeↄn á ũ, tó wà zàágu mɛ́ wà gìázi, mɛ́ wà á sↄ̃sↄ̃ mɛ́ wà á tↄbɛ̃ɛsì Gbɛ̃nazĩn Nɛ́ yã́i.

²³Gↄↄ pↄ́ yã́ beeↄ á lé, àↄ vĩvĩ ń pↄnao, asa á asea zↄ̃ↄ luabɛ. Beewa an deziↄ kɛ̀ ãnabiↄnɛ.

²⁴Waiyoo á ↄdeↄ, a mɛ nama è kↄ̀.

²⁵Waiyoo á gbɛ̃́ pↄ́ á kãa gbãↄ, nↄana a á dɛ. Waiyoo á gbɛ̃́ pↄ́ álɛ yáalↄ gbãↄ, á wɛ̃nakɛ, á ↄ́ↄlↄ.

²⁶Waiyoo ápiↄ, tó gbɛ̃́pii lɛ́ á tↄnasi, asa beewa an deziↄ kɛ̀ ãnabi ɛgɛnaↄnɛ.