Lucangundru 21:13-29

¹³Jenia tanali jurangu ngankala nganai malka nganananto.

¹⁴Jurani ngarali jenia patanau, jura wata manujeli ngundrananto mina jura kalabananto.

¹⁵Ngangau ngato jurangu mana ja kirila jinkila nganai, nunkangu jurani talpalali pratjanali wata tjakakala nganai, ja wata ngandrawalkala nganai.

¹⁶Jurana ngaperali ja ngandrieli ja neji marali ja kana kamanelieli ja kamanelieli jurana ngulkujeli jinkila nganai, ja palpa jurangundru tanali nari ngankala nganai.

¹⁷Ja pratjana jurana kalakalarila ngunai ngakani talandru

¹⁸Ja para kulno jurani mangatandrani jura wata tintala nganai.

¹⁹Jura ngurunguru ngananani, jura mungara jurani kulkala nganai.

²⁰Jura najinani tirimalinaia kana wolarali Jerusalem matja kapikapina, ngadani ngujamanau, ngurawalpa nunkani wokarana warai.

²¹Ngadani tana Judaia mitani ngananani mardawonpaia japa mindrinanto, ja tana ngura pirnani terti ngananani puntinanto, ja tana ngura wakani ngananani wata nunkangu wirinanto.

²²Ngangau kalala ditji tanapini nganai, pratjana morlalu pantjinanto mina dakanala parai.

²³Jakajai tanangu mandrantjuni ja ngama jinkinietjani tanangupini ditjtni! ngangau ketjaketjana pirna mitani nganala nganai ja tiri tanangupini kana wolarani.

²⁴Ja tana kalti tirieli palila nganai, ja tanali tanana dupudupu kana wolara pratjanani wapalkala nganai; ja kana ko wolarali Jerusalem tidnali dakala nganai kana koja ditji mudanantulu.

²⁵Ja malka pantjila nganai ditji pirnani ja pirani ja ditji wakawakani; ja mitani kana japali nganala nganai ja tana japali ngarrala nganai panto pirna mandikila tutunganani;

²⁶Ja kana japandru waltpwalto pirna pantjila nganai, ngangau tana japali kalkai mina wolja mita maruni wokara nanto; ngangau bakana pariwilpaia ngurula wiltjiwiltjila nganai.

²⁷Ja ngadani tanali Kanaia Ngatamura najila nganani talara palkujeli wokaranani ngurunguru ja pirna.

²⁸Ja jenia woninani, terkakanau ja mangatandra miririanau, ngangau kulkani jurani karakara wokarai.

²⁹Ja Nau jeribaka jaura tanangu jatana wonti: Najianau tandra nindri ja nindri warupoto.