2Pedro Jerusalenman cutimojtin, judío religionmanta creyentecuna pay contra thutorkancu.
3Payta taporkancu: —¿Imaraycutaj mana judío cajcunata watumunqui? ¿Imaraycutaj paycunawan miqhumunqui? —nispa.
4Pedrotaj paycunaman willarkan kallariymantapacha Jopepi tucuy ima pasaskanta:
5—Jope llajtapi cachcaspa oracionta ruwachcajtiy, moskoypi jina ricorkani uj athun sabanata jina janaj pachamanta uraycamuchcajta, tawantin puntamanta wataskata.
6Allinta khawarispataj, chay uqhupi ricorkani tawa chaquiyoj animalcunata, sajra animalcunata, pallicunata piskocunatawan.